ప్రభాత సూర్య, తెలంగాణ స్టేట్ బ్యూరో: సింగరేణి కార్మికులకు సంబంధించి ఇటీవల పలు సానుకూల నిర్ణయాలు మరియు న్యాయపరమైన తీర్పులు వెలువడ్డాయి. ముఖ్యంగా వైకల్య నిర్ధారణ (Disability Assessment) విషయంలో హైకోర్టు ఇచ్చిన తీర్పు కార్మికులకు పెద్ద ఊరటనిచ్చింది.

వైకల్య నిర్ధారణపై హైకోర్టు తీర్పు: సింగరేణి కార్మికుల అంగవైకల్యాన్ని నిర్ధారించడంలో మెడికల్ బోర్డు అనుసరిస్తున్న విధానాన్ని తెలంగాణ హైకోర్టు తప్పుపట్టింది. ఇది అనారోగ్య కారణాలతో పదవీ విరమణ పొందాలనుకునే లేదా కారుణ్య నియామకాల కోసం ఎదురుచూసే కుటుంబాలకు మేలు చేకూర్చనుంది.

భారీ ప్రమాద బీమా: విధి నిర్వహణలో ప్రాణాలు కోల్పోయిన విద్యుత్ మరియు సింగరేణి కార్మికుల కుటుంబాలకు ముఖ్యమంత్రి రేవంత్ రెడ్డి ₹1 కోటి రూపాయల ప్రమాద బీమా చెక్కులను అందజేశారు.

ఆదాయ పన్ను స్లాబుల మార్పు: కేంద్ర బడ్జెట్‌లో ఆదాయ పన్ను స్లాబులను పెంచడం వల్ల సింగరేణి కార్మికులకు భారీగా పన్ను ఆదా కానుంది. రూ. 12 లక్షల వరకు పన్ను మినహాయింపు లభించడం జూనియర్ కార్మికులకు ఆర్థికంగా కలిసివస్తుంది.

వైద్య సదుపాయాల బలోపేతం: మార్చి 2026 నాటికి సింగరేణి ఆసుపత్రుల్లో ఖాళీగా ఉన్న 32 మంది డాక్టర్లు, 176 మంది పారామెడికల్ సిబ్బంది పోస్టులను భర్తీ చేయనున్నట్లు ప్రభుత్వం ప్రకటించింది. అలాగే గోదావరిఖనిలో అత్యాధునిక క్యాథ్ ల్యాబ్ (Cath Lab) అందుబాటులోకి రానుంది.

పదవీ విరమణ పొందిన వారికి ఊరట: రిటైర్డ్ కార్మికులు క్వార్టర్లను ఖాళీ చేయకపోయినా, వారికి రావాల్సిన లాభాల వాటా (Profit Share) మరియు PLRS బకాయిలను చెల్లించేందుకు యాజమాన్యం అంగీకరించింది.

బోనస్ మరియు లాభాల వాటా: గడిచిన ఆర్థిక సంవత్సరంలో (2024-25) సింగరేణి సాధించిన లాభాల్లో 34% వాటాను (సుమారు రూ. 802 కోట్లు) కార్మికులకు బోనస్‌గా ప్రభుత్వం ప్రకటించింది.

ప్రభాత సూర్య (చింతపల్లి):-

​నిజమైన స్నేహం ఆపదలో ఉన్నప్పుడే తెలుస్తుందని, చింతపల్లి మండలం గోడుకొండ్ల గ్రామానికి చెందిన పలువురు యువకులు నిరూపించారు. ప్రాణాపాయ స్థితిలో ఉన్న తన మిత్రుడిని కాపాడుకోవడానికి, మేమున్నామంటూ ముందుకొచ్చి మానవత్వాన్ని చాటుకున్నారు. మహమ్మద్ రషీద్ గత కొంతకాలంగా క్యాన్సర్ వ్యాధితో బాధపడుతున్నాడు. ఆర్థిక పరిస్థితి అంతంత మాత్రంగా ఉండటంతో, వైద్య ఖర్చులకు ఇబ్బంది పడుతున్న విషయాన్ని ఆయన బాల్యమిత్రులు తెలుసుకున్నారు.

​తమతో కలిసి పెరిగిన స్నేహితుడు అనారోగ్యంతో, ఇబ్బంది పడటం చూసి చలించిపోయిన మిత్రులు, వెంటనే స్పందించారు. అందరూ కలిసి తమకు తోచిన విధంగా ఆర్థిక సహాయాన్ని, సేకరించి రషీద్‌కు అందజేశారు. ఈ విపత్కర సమయంలో అతనికి అండగా నిలిచి, స్నేహానికి నిలువెత్తు నిదర్శనంగా నిలిచారు. ​సొంత సోదరుడిలా రషీద్‌ను ఆదుకున్న ఈ మిత్రబృందాన్ని గ్రామస్తులు మరియు స్థానికులు అభినందిస్తున్నారు. ​ఈ కార్యక్రమంలో ​ఆలంపల్లి సతీష్, ​ఊరే అనిల్ కుమార్, ​గోపి, ​రాజేష్ సాగర్, జంగయ్య, ​వెంకటరమణ తదితరులు పాల్గొన్నారు.

• ఎమ్మెల్యేను నమ్ముకుని పని చేసిన నేతలకు దక్కే గౌరవం అసంతృప్తి నా..?

• మునిసిపాలిటీపై పూర్తి నియంత్రణ తమ చేతుల్లోనే ఉండాలన్న రాజకీయ వ్యూహమా..?

• రాబోయే రోజుల్లో ఎమ్మెల్యేకు రాజకీయంగా గడ్డుకాలంగా మారపోతుండా..?

• సొంత పార్టీ నేతల్లో పెనుమరుగుతున్న అసంతృప్తి..!

సూర్య ప్రతినిధి, తెలంగాణ ఇన్వెస్టిగేషన్ బ్యూరో: మునిసిపల్ ఎన్నికల ప్రక్రియలో భాగంగా నామినేషన్ల దాఖలుకు చివరి రోజున చోటుచేసుకున్న పరిణామాలు స్థానిక రాజకీయాల్లో తీవ్ర చర్చకు దారితీశాయి. మిర్యాలగూడ ఎమ్మెల్యే బత్తుల లక్ష్మారెడ్డి (బిఎల్ఆర్) కుటుంబ సభ్యులు ముగ్గురు వేర్వేరు వార్డుల నుంచి నామినేషన్లు దాఖలు చేయడం, సొంత పార్టీ నేతల్లో నిగురుగట్టిన అసంతృప్తిని బయటకు తెచ్చిన పరిణామంగా రాజకీయ వర్గాలు విశ్లేషిస్తున్నాయి. 

ఎమ్మెల్యే సతీమణి బత్తుల మాధవి 39వ వార్డు నుంచి, పెద్ద కుమారుడు బత్తుల సాయిప్రసన్నకుమార్ రెడ్డి 40వ వార్డు నుంచి, చిన్న కుమారుడు బత్తుల గణేష్ ఈశ్వర్ రెడ్డి 28వ వార్డు నుంచి పోటీకి దిగడం ద్వారా ఒకే కుటుంబం మూడు వార్డుల్లో బరిలో ఉండటం మునిసిపల్ రాజకీయాల్లో అసాధారణ పరిణామంగా మారింది.

ఎన్నికల ముందు వరకు పార్టీ కోసం పనిచేసిన పలువురు నేతలు, కార్యకర్తలు టికెట్ల కోసం ఆశలు పెట్టుకున్నప్పటికీ, చివరికి కుటుంబ సభ్యులకే ప్రాధాన్యం దక్కిందన్న భావన పార్టీ లోపల గట్టిగా వినిపిస్తోంది. ఎమ్మెల్యేను నమ్ముకుని పని చేసిన నేతలకు అవకాశం లేకుండా పోయింది అన్న అసంతృప్తి, ఇప్పటివరకు బయటకు రాని లోతైన విభేదాలను బయటపెడుతున్నట్టు రాజకీయ పరిశీలకులు అంటున్నారు. ఈ అసమ్మతి ప్రస్తుతం బహిరంగంగా కనిపించకపోయినా, ఎన్నికల సమయంలో లేదా ఫలితాల అనంతరం అది పెద్ద రూపం దాల్చే అవకాశం ఉందన్న అభిప్రాయం వ్యక్తమవుతోంది.

ఈ ఎన్నికల్లో మునిసిపల్ చైర్మన్ పదవి మహిళా జనరల్ రిజర్వేషన్ కావడంతో, ఆ పదవిపై స్పష్టమైన లక్ష్యంతోనే ఎమ్మెల్యే తన సతీమణిని ముందుకు తెచ్చినట్టు స్థానికంగా చర్చ సాగుతోంది. చైర్మన్ పదవిపై ఇప్పటికే పలువురు ఆశావహులు ఉన్నా, ఎన్నికల తర్వాత మునిసిపాలిటీపై పూర్తి నియంత్రణ తమ చేతుల్లోనే ఉండాలన్న వ్యూహంతో కుటుంబ సభ్యులను పోటీకి దింపారని రాజకీయ వర్గాలు విశ్లేషిస్తున్నాయి. ఇది ఒకవైపు రాజకీయ వ్యూహంగా కనిపిస్తున్నప్పటికీ, మరోవైపు ప్రజాస్వామ్య విలువలకు విరుద్ధంగా ఉందన్న విమర్శలకు కూడా తావిస్తోంది.

ప్రజల్లోనూ ఈ అంశంపై మిశ్రమ స్పందన కనిపిస్తోంది. కొందరు స్థిరత్వం కోసం అనుభవం ఉన్న కుటుంబం చేతుల్లోనే పాలన ఉండటం మంచిదే అని అభిప్రాయపడుతుంటే, మరికొందరు మాత్రం ఒకే కుటుంబానికి వరుస అవకాశాలు ఇవ్వడం వల్ల మిగిలిన నేతలకు న్యాయం జరగడం లేదు అని అసంతృప్తి వ్యక్తం చేస్తున్నారు. ఈ అసమ్మతి రాగాలు రాబోయే రోజుల్లో ఎమ్మెల్యేకు రాజకీయంగా గడ్డుకాలంగా మారతాయా, లేక తన రాజకీయ చాతుర్యంతో వాటిని సమతుల్యం చేయగలరా అన్న ప్రశ్నలు ఇప్పుడు మిర్యాలగూడ రాజకీయాల్లో కేంద్రబిందువుగా మారాయి.

మొత్తంగా చూస్తే, మిర్యాలగూడ మునిసిపల్ ఎన్నికలు కేవలం స్థానిక పాలనకే పరిమితం కాకుండా, ఎమ్మెల్యే బిఎల్ఆర్ భవిష్యత్ రాజకీయ బలాబలాలను నిర్ణయించే దశగా మారుతున్నాయి. కుటుంబ రాజకీయాలపై పెరుగుతున్న విమర్శలు, సొంత పార్టీ నేతల్లో పెనుమరుగుతున్న అసంతృప్తి, ప్రజల్లో వ్యక్తమవుతున్న సందేహాలు ఇవన్నీ కలిసి మిర్యాలగూడ రాజకీయాలను కీలక మలుపు వద్దకు తీసుకొచ్చాయని విశ్లేషకులు అభిప్రాయపడుతున్నారు.

---మాజీ సర్పంచ్ సుశీల లక్ష్మణ్ నాయక్

క్రైమ్ మిర్రర్(దేవరకొండ):-జటావత్ తండా, మాజీ సర్పంచ్ కొర్ర సుశీల లక్ష్మణ్ నాయక్, దేవరకొండ మండల సర్పంచ్ ల ఫోరమ్ అధ్యక్షులుగా, ఎన్నికైన మైనంపల్లి సర్పంచ్ కొర్ర రాంశింగ్ నాయక్ కి శుభాకాంక్షలు తెలియజేశారు. ఈ సందర్భంగా మాజీ సర్పంచ్ లక్ష్మణ్ నాయక్ మాట్లాడుతూ, దేవరకొండ ఎమ్మెల్యే నేనావత్ బాలునాయక్ అధ్యక్షతన, ఇటీవల జరిగిన సర్పంచ్ ఎలక్షన్ లలో యువకుల ప్రాధాన్యత ఎక్కువగా ఉండి, కాంగ్రెస్ పార్టీ బలపరిచిన సర్పంచ్ లు అధికంగా గెలిచారని, ఎమ్మెల్యే ఆధ్వర్యంలో గ్రామాల్లో అభివృద్ధి లక్ష్యంగా పనులను చేస్తామని అన్నారు.

స్నేహితుని కుటుంబానికి 74,000 వేల ఆర్థిక సాయం.

మర్రిగూడ(ప్రభాత సూర్య):-

మండలంలోని అజిలాపురం గ్రామానికి చెందిన, మాధగోని వెంకటేష్, నవంబర్ 8న రంగారెడ్డి జిల్లా యాచారం మండలం, మాల్ గ్రామంలో తాను నూతనంగా నిర్మిస్తున్న ఇంటివద్ద, ప్రమాదవశాత్తు విద్యుత్ షాక్ తో మరణించాడు. మృతునికి భార్య ముగ్గురు ఆడపిల్లలు ఉన్నారు.. మృతుడు వెంకటేష్ తో పాటు, పదవ తరగతి విద్యను అభ్యసించిన 2001-2002 యరగండ్లపల్లి జిల్లా పరిషత్ ఉన్నత పాఠశాల, పదవ తరగతి క్లాస్మెట్స్ అందరూ కలిసి, 74 వేల రూపాయలను ఆర్థిక సహాయాన్ని, ఆదివారం అజిలాపురం గ్రామంలో కుటుంబ సభ్యులకు అందజేసారు. అనంతరం వెంకటేష్ చిత్రపటానికి, స్నేహితులు పూలమాలలు వేసి శ్రద్ధాంజలి ఘటించారు. తనతో ఉన్న స్నేహబంధాన్ని తలచుకుంటూ, కన్నీరు మున్నీరుగా విలపించారు. వెంకటేష్ కుటుంబానికి అన్ని విధాల అండగా ఉంటామని ఈ సందర్బంగా మిత్రులు తెలిపారు. ఈ కార్యక్రమంలో ఉప్పునూతల కృష్ణయ్య, రొక్కం మధుసూదన్ రెడ్డి, వెంకట్ బాబు, పాండురంగారెడ్డి, సిద్ధపురం జంగయ్య, వల్లముల శ్రీను, నారోజు రామాచారి, రమేష్, శ్రీను, కొండల్, మహ్మద్ రజాక్(జనం సాక్షి జర్నలిస్ట్) తదితరులు పాల్గొన్నారు..

జిల్లా ఎస్పీ శరత్ చంద్ర పవార్ ఐపిఎస్

నల్లగొండ ప్రతినిధి(ప్రభాత సూర్య):-

జిల్లాలో రెండవ విడత ఎన్నికలకు ఎలాంటి, అవాంఛనీయ సంఘటనలు చోటు చేసుకోకుండా పటిష్ట భద్రత ఏర్పాటు చేసినట్లు, జిల్లా ఎస్పి శరత్ చంద్ర పవార్ అన్నారు.

దామరచర్ల పోలింగ్ కేంద్రాన్ని సందర్శించి, అక్కడ భద్రతా ఏర్పాట్లను జిల్లా ఎస్పి పరిశీలించి మాట్లాడారు.. ఈ నెల 14న మిర్యాలగూడ డివిజన్ పరిధిలోని అడవిదేవులపల్లి, అనుముల, దామరచర్ల, మాడుగులపల్లి, మిర్యాలగూడ, నిడమనూరు, పెద్దవూర, తిరుమలగిరి సాగర్, త్రిపురారం, వేములపల్లి, మొత్తం 10 మండలాల్లోని 282 గ్రామ పంచాయితీలలో 2418 పోలింగ్ కేంద్రాలలో, రెండో విడత గ్రామపంచాయతీ ఎన్నికలు జరగనున్నాయన్నారు. ఇందుకు సంబంధించి ఎన్నికలను ప్రశాంత వాతారణంలో నిర్వహించేందుకు, ప్రతి మండలానికి సూమరు 200 చొప్పున 2000 మంది పోలీస్ సిబ్బందితో, ప్రతి మండలానికి ఒక డియస్పి స్థాయి అధికారి పర్యవేక్షణలో, రూట్ లుగా విభజించి ఎలాంటి సమస్యలు తలెత్తినా తక్షణమే అక్కడికి చేరుకునుని పరిష్కరించుటకు సీఐలు, ఎస్ఐ స్థాయి అధికారుల ఆధ్వర్యంలో, స్ట్రైకింగ్ ఫోర్స్, స్పెషల్ స్ట్రైకింగ్ ఫోర్స్ ఏర్పాటు చేసి అన్ని రకాల భద్రత ఏర్పాట్లు చేసినట్లు జిల్లా ఎస్పీ వివరించారు.   

జిల్లా వ్యాప్తంగా ఉన్న సమస్యాత్మక, సెన్సిటివ్, హైపర్ సెన్సిటివ్ పోలింగ్ కేంద్రాలను గుర్తించి, నిఘా కట్టుదిట్టం చేయడం జరిగిందన్నారు. గత ఎన్నికలలో అల్లర్లు సృష్టించిన, రౌడీ షీటర్లు, త్రిబుల్ మంగ్లర్స్ ను బైండవర్ చేయడం జరిగిందన్నారు.

గ్రామాల్లో ఎన్నికల సమయంలో ఎవరైనా ఎన్నికల ప్రక్రియకు, శాంతి భద్రతలకు విఘాతం కలిగించినా, గొడవలు, అల్లర్లు సృష్టించినా ఎట్టి పరిస్థితుల్లో వదిలే ప్రసక్తే లేదని, వారిపై కేసులు నమోదు చేసి కఠిన చర్యలు తప్పవని హెచ్చరించారు. ప్రతి ఒక్కరు ఎన్నికల నియమాలకు కట్టుబడి ఉండాలన్నారు. ఎన్నికల సమయంలో ఒక్కసారి కేసులు నమోదు అయితే, భవిష్యత్తులో అనేక ఇబ్బందులకు గురవుతారని అన్నారు. జిల్లా ప్రజలు ఎలాంటి అభద్రతా భావానికి లోను కాకుండా మీ ఓటు హక్కును వినియోగించకోవాలని ఎస్పీ సూచించారు.

ఎన్నికల రోజు పోలింగ్ కేంద్రాల వద్ద 163 బిఎన్ఎస్ఎస్ (144 సెక్షన్) అమలులో ఉంటుందని, 100 మీటర్ల వద్ద 200 మీటర్ల వద్ద ప్రత్యేక నియమ నిబంధనలు ఉంటాయని, వాటిని పాటించాలని అన్నారు. ప్రజల అనవసరంగా గుమిగూడి ఉండరాదని తెలిపారు. పోలింగ్ కేంద్రాలలోనికి సెల్ఫోన్లు, వాటర్ బాటిల్ లు, ఇంకు బాటిల్లు, పెన్నులు, అగ్నికి సంబంధించిన వాటికి అనుమతులు ఉండవని తెలిపారు. ఎలాంటి సమస్యలు ఉన్నా డయల్ 100 ద్వారా పోలీసులకు తెలియజేయాలని కోరారు. ఎన్నికల్లో గెలుపొందిన అభ్యర్థులు ఊరేగింపులకు, ర్యాలీలకు అనుమతి లేదని బాణాసంచా కాల్చడం, డీజేలు ఏర్పాటు చేస్తే చర్యలు తప్పవని హెచ్చరించారు.

• కరోనా సమయంలో ఆపద్బాంధవుడుగా వెంకట్ రెడ్డి.

• నిత్యం ప్రజా సేవలో కొడాల బ్రదర్స్..

• పదవి లేకున్నా ప్రజల కోసమే వెతుకులాట..

మర్రిగూడ(ప్రభాత సూర్య) :- ప్రజలంటే వారికి ఎనలేని ప్రేమ.. నిత్యం ఏదో ఒక సేవా కార్యక్రమం ముందేసుకుంటూ, పేదలకు అండగా నిలుస్తారు కొడాల బ్రదర్స్.. పదవులు లేకున్నా, ప్రజా క్షేత్రంలో మెదిలే కొడాల వెంకట్ రెడ్డి, అల్వాల్ రెడ్డిలు చేసిన సేవలు అంతాఇంతా కాదనే చెప్పుకోవాలి.. ప్రజల ప్రాణాలను కాటువేసే కరోనా సమయంలో కూడా, కుటుంబం మొత్తం ప్రజల ప్రాణాల కోసం పాకులాడారు.. నిత్యావసర వస్తువులు పంపిణి చేస్తూ సేవా గుణాన్ని చాటారు.. ఆపద సమయంలో ఆ అన్నదమ్ముల అభయహస్తం, ఎందరినో కాపాడింది.. సమయం దొరికితే చాలు, ప్రజలకు ఏదో ఒకటి చెయ్యాలని ఆలోచించే కొడాల వెంకట్ రెడ్డి, స్థానిక ఎన్నికల్లో సర్పంచ్ అభ్యర్థిగా నిలిచారు.

సర్పంచ్ గా ప్రజలకు మరింత చేరువై, అభివృద్ధికి తోడ్పాటుకై శ్రమిస్తున్నాడు. గ్రామంలో ప్రచారం చేస్తున్న కొడాలకు జనం నిరాజనాలు పడుతున్నారు. ఆపదలో ఆదుకునే నేతను, అందెలం ఎక్కించాలని ఆలోచిస్తున్నారు. పదవి లేకున్నా ప్రాణంలా ప్రజలను కాపాడుతూ వస్తున్నారు కొడాల బ్రదర్స్.. మునుగోడు ఎమ్మెల్యే కోమటిరెడ్డి రాజగోపాల్ రెడ్డి ఆశీస్సులతో, ముందడుగు వేస్తూ స్థానిక సమరంలో నిలుచున్నాడు.. ప్రజలు ఆశీర్వదిస్తే మరింత అభివృద్ధికి, మరెన్నో సేవా కార్యక్రమాలు చేస్తూ, ప్రజలను కాపాడుకుంటానని వెంకట్ రెడ్డి అంటున్నారు.. తనకు కేటాయించిన లేడీస్ పర్స్ గుర్తుపై ఓటు వేసి ప్రజలు ఆశీర్వదించాలని కోరుతున్నాడు.. ఆయన చేసిన సేవలను నెమరేసుకుంటూ, ఆయన వెంటే నడుస్తున్నారు ప్రజలు. వెంకట్ రెడ్డి గెలుపుతో గ్రామం మరింత అభివృద్ధి చెందుతుందని, రాజకీయ విశ్లేషకులు భావిస్తున్నారు..

సూర్య, నల్గొండ జిల్లా ప్రతినిధి : మునుగోడు నియోజకవర్గం, మర్రిగూడ మండలం శివన్నగూడ సర్పంచ్ పదవికి కాంగ్రెస్ అభ్యర్థి రాపోలు యాదగిరి ప్రచారాన్ని మరింత దూకుడుగా కొనసాగిస్తున్నారు. ఎమ్మెల్యే కోమటిరెడ్డి రాజగోపాల్ రెడ్డి ఆశీర్వాదంతో గ్రామంలో పార్టీ బలపరిచిన అభ్యర్థిగా ముందుకు సాగుతున్న యాదగిరి, ఆదివారం శివన్నగూడ గ్రామంలోని పలు కాలనీల్లో పర్యటించారు. గ్రామ ప్రజలను కలిసి వారి సమస్యలు తెలుసుకుని పరిష్కారానికి కట్టుబడి పనిచేస్తానని హామీ ఇచ్చారు.

గ్రామ అభివృద్ధే తన లక్ష్యమని, సేవ కార్యక్రమాలను నిరంతరం కొనసాగిస్తానని ఆయన పేర్కొన్నారు. తనకు గ్రామ ప్రజల నుండి లభిస్తున్న మద్దతు ప్రచారానికి మరింత ఉత్సాహాన్నిస్తోందని యాదగిరి తెలిపారు. కాంగ్రెస్ పార్టీ ఎన్నికల గుర్తు ‘బ్యాట్’ గుర్తుపెట్టుకోవాలని ఆయన ఇంటింటా ప్రచారం ద్వారా కోరారు. అన్ని వర్గాల ప్రజలతో కలిసిపోతూ, అభివృద్ధి పరమైన హామీలతో ముందుకు సాగుతున్న యాదగిరి ఇతర అభ్యర్థులతో పోలిస్తే ప్రచారంలో ముందంజలో ఉన్నారనే విశ్లేషణ రాజకీయ వర్గాల్లో వినిపిస్తోంది.

చండూరు, ప్రభాత సూర్య : నల్గొండ జిల్లా చండూరులో మంగళవారం అర్ధరాత్రి సమయంలో విధుల్లో ఉన్న ఇద్దరు పోలీసు సిబ్బందిపై ముగ్గురు యువకులు దాడి చేసిన సంఘటన కలకలం రేపుతోంది. ఇటీవల పట్టణ పరిధిలో దొంగతనాలు వరుసగా జరుగుతుండటంతో రాత్రి గస్తీని పోలీసులు మరింత కట్టుదిట్టం చేశారు. ఈ క్రమంలో కస్తాల రహదారి పరిసర ప్రాంతంలోని ఓ ఫంక్షన్ హాల్ దరిదాపుల్లో ముగ్గురు యువకులు మద్యం సేవిస్తూ కనిపించడంతో అక్కడ విధుల్లో ఉన్న కానిస్టేబుళ్లు వారిని వెళ్లిపోవాలని హెచ్చరించారు. అయితే యువకులు అహంకారంగా ప్రవర్తించడమే కాకుండా వారిలో ఒకరు కానిస్టేబుల్‌పై దూకి దాడికి పాల్పడి గాయపరిచినట్టు విశ్వసనీయ సమాచారం.

సంఘటన తరువాత ముగ్గురు యువకులను అదుపులోకి తీసుకుని స్టేషనుకు తరలించినట్టు తెలుస్తోంది. అయితే ఈ ఘటన వివరాలు బయటకు రాకుండా ఉండేందుకు కొందరు ప్రభావశీలులు ఒత్తిడులు తెస్తున్నారన్న చర్చ స్థానికంగా జోరుగా వినిపిస్తోంది. ప్రజలు ఇబ్బందులు ఎదుర్కొన్నపుడు ఆశ్రయం పోలీసులే. ప్రజా భద్రత కోసమే రాత్రింబవళ్ళు సేవలు చేస్తున్న వారికి విధుల్లో ఉన్న సమయంలోనే తూట్లు పొడిచే నిర్లజ్జపు దాడులు సమాజం మొత్తానికి ప్రమాదకర సంకేతాలు. సాధారణ గొడవలకు పాల్పడిన వారినే పోలీసులు వదలరు. మరి పోలీసులపై దాడి చేసిన వారిని ఏ స్థాయిలో శిక్షిస్తారు అనేది ఇప్పుడు ప్రజలలో ప్రధాన చర్చాంశంగా మారింది. ఈ సంఘటనపై కేసు నమోదు చేసినట్లు సమాచారం. అధికారిక వివరాలు విడుదల చేయాల్సి ఉన్నది.

పేదింటి బిడ్డ చదువు... ఈఎల్వి ఫౌండేషన్ కోసం ఎదురు చూపు

మర్రిగూడ(ప్రభాత సూర్య):-

మండలంలోని వట్టిపల్లి గ్రామానికి చెందిన, డెంకని ఈశ్వర్ సాయి నీట్ లో ఉత్తమ ప్రతిభ సాధించాడు. మొదటి నుండే ఈశ్వర్ సాయి కుటుంబం అంతంత మాత్రమే, తండ్రి జానయ్య టైలర్, తల్లి ఈశ్వరమ్మ గృహిణి కావడంతో, కుమారుడి పైచదువులు తల్లితండ్రులకు భారంగా మారింది. ఉన్న పరిస్థితిలో తమకు అందుకోలేని ఎంబిబిఎస్ చదువు, కండ్ల ముందు కనపడంతో వారికి ఎటూ తోచని స్థితి నెలకొంది. ఉన్నది మొత్తం దారబోసినప్పటికి పరిస్థితి గట్టెక్కేలా కనపడటం లేదు. 416 మార్కులతో స్టేట్ ర్యాంక్ లో 3558 సాధించిన ఈశ్వర్ సాయికి, కొమరంభీమ్ ఆసిఫాబాద్ గవర్నమెంట్ మెడికల్ కళాశాలలో సీట్ వచ్చింది. అడుగు ముందుకేస్తే తట్టుకునే పరిస్థితిలో ఆ కుటుంబం, బలహీనమనే చెప్పాలి.. విద్యకు ప్రాధాన్యత ఇస్తూ, పేదలకు అండగా నిలుస్తున్న ఈఎల్వి ఫౌండేషన్ భాస్కర్ కోసం ఆ కుటుంబం ఎదురు చూస్తుంది. ఇప్పటికే ఎంతో మంది విద్యార్థులను, అక్కున చేర్చుకున్న ఫౌండేషన్ తోడు తమకు కూడా కావాలని, ఆ కుటుంబం ఆలోచిస్తుంది. భాస్కర్ రాకపోడా మా కుమారుడికి భవిష్యత్తు చూపించక పోడా అనే ఆశతో ఉన్నారు కుటుంబ సభ్యులు. తమ కుమారుడి చదువుకై సహాయం చెయ్యండి అంటూ, ఈఎల్వి ఫౌండేషన్ చైర్మన్ భాస్కర్ ని కోరుతున్నారు.

మర్రిగూడ(ప్రభాత సూర్య):

మండలంలోని వట్టిపల్లి ప్రాథమికొన్నత పాఠశాలకు వెళ్లే, దారి చెట్లు, ముండ్లపొదలతో మూసుకుపోయిందని, అటుగా ఏవైనా వాహనాలు వస్తే, విద్యార్థులకు పక్కకు జరిగే అవకాశం లేకుండా ఉందని, వెంటనే రోడ్డును బాగు చెయ్యాలని గ్రామ యువకులు కోరారు. మన ఊరు, మన బడి, మన పిల్లలే కాబట్టి కాపాడుకునే బాధ్యత మనదేనని అన్నారు. అధికారులు వెంటనే స్పందించి రోడ్డును వెంటనే, మరమత్తు చెయ్యాలని యువకులు కోరారు. స్కూల్ పక్కనే ఉన్న వేపచెట్టుకు కరెంట్ వైర్లు అనుకున్నాయని, వర్షాలు వస్తున్న క్రమంలో పిల్లలను కరెంట్ వైర్లు ప్రమాదానికి గురి చేసే అవకాశం ఉందన్నారు. చెట్లు, పొదల కారణంగా ఇంతకు ముందే పలు మార్లు, స్కూల్ పరిధిలోకి పాములు వచ్చిన సందర్భాలు ఉన్నాయన్నారు. ఈ సమస్యలపై స్పందించి పిల్లలకు ప్రమాధాలు జరగకుండా చూడాలని, అధికారులను గ్రామ యువత కోరారు. ఈ సమస్యలను గ్రామ సోషల్ మీడియా వేదికగా, వైరల్ చేస్తూ సమస్యలను బహిర్గతం చేస్తున్నారు. ముందుకు వచ్చే నాయకుల కోసం ఎదురు చూస్తున్నారు..

మర్రిగూడ(ప్రభాత సూర్య):-

మండలంలో జరుగుతున్న 14వ విడత సామాజిక తనిఖీలో, పంచాయతీ రాజ్ పనులకు సంబంధించిన రికార్డులను తనిఖీ బృందాలకు ఇవ్వలేదు. మండల వ్యాప్తంగా రికార్డులను ఇవ్వనప్పటికి, అధికారులు మాత్రం పంచాయతీ రాజ్ అధికారులపై చర్యలు తీసుకోవడం లేదు. ఇదే తంతు ప్రతి సామాజిక తనిఖీలో జరుగుతున్నప్పటికి, ఇప్పటి వరకు అధికారులు నిమ్మకు నీరెత్తినట్లు వ్యవహరించడంపై అనేక అనుమానాలు వ్యక్తం అవుతున్నాయి. ప్రజావేదికలో సామాజిక తనిఖీ బృందాలు ఈ సమస్యను బహిర్గతం చేస్తున్నప్పటికి, ప్రిసైడింగ్ అధికారులు మాత్రం ఏమాత్రం వారిపై చర్యలు తీసుకోకపోవడం అనేక ఆరోపణలు వినపడుతున్నాయి. చేసిన పనులను నిజాయితీగా చూయించుకునే విధానానికి, పంచాయతీ రాజ్ అధికారులు ఏమాత్రం పట్టింపు లేకుండా చేస్తున్నారని ప్రజలు అనుకుంటున్నారు. సామాజిక తనిఖీకి రికార్డ్స్ ఇవ్వని వారిపై చర్యలు తీసుకోవాలని మండల వాసులు కోరుతున్నారు..

మర్రిగూడ(ప్రభాత సూర్య):-

మండలంలో జరిగిన ఉపాధి హామీ పధకాలపై, జరుగుతున్న సామాజిక తనిఖీ బుధవారంతో అన్ని గ్రామ పంచాయతీలలో పూర్తయింది. తనిఖీ బృందాలు రికార్డ్ పరంగా, క్షేత్ర స్థాయి పనులను పరిశీలించి, డోర్ టూ డోర్ విజిట్ లో ప్రజల అభిప్రాయాలను సేకరించి, నివేదికను తయారు చేసి, ఆయా గ్రామపంచాయితీలలో, ప్రజల ముందు గుర్తించిన అంశాలను బహిర్గతం చేశారు. గుర్తించిన అంశాలపై హక్కుదారుల అభిప్రాయాలు, అధికారుల వివరణలు, సిబ్బంది బాధ్యతలను పొందుపరిచి, అట్టి నివేదికను ప్రజావేదికలో పొందుపరచనున్నారు. 16న జరిగే ప్రజావేదికలో వచ్చిన ఇష్యూలను ప్రిసైడింగ్ అధికారి ముందు చర్చించి, తదుపరి చర్యలు తీసుకోనున్నారు. మూడు విడుతలలో మండలంలోని అన్ని గ్రామాల నందు, గ్రామ సభలు నిర్వహించారు. గురువారం ఉపాధి హామీ కార్యాలయం ఆవరణలో ప్రజా వేదికను నిర్వహించనున్నారు. ఎస్టిఎం వేణు ఆధ్వర్యంలో, ఎస్ఆర్పి చిన్నకేశవులు, రంజిత్ కుమార్ ల పర్యవేక్షణలో 14వ విడత సామాజిక తనిఖీ పూర్తి చేశారు.

మల మూత్ర విసర్జనలు, అంతులేని దోమలు ఈగలతో ఇబ్బందులు..

చీకటి ముసుగులో యువత వీరంగం.. దూమపానాలతో మార్కెట్ దుమారం..

నల్లగొండ ప్రతినిధి(ప్రభాత సూర్య):-

అసాంఘిక కార్యక్రమాలకు అడ్డాగా మారింది మాల్ మార్కెట్.. మందు, విందు వినోదంతో పాటు పలు రకాల సెటిల్మెంట్ దందాలు, ఇల్లీగల్ పనులకు మూలంగా మారింది మాల్ మార్కెట్ ప్రాంగణం. చీకటి పడితే చాలు ఆకతాయిల అల్లర్లతో, సిగరేట్ దమ్ములతో మార్కెట్ మొత్తం హోరెత్తిపోతుందంటున్నారు స్థానికులు..! భూత్ బంగ్లా పరిసర ప్రాంతంలా ఉండే మాల్ మార్కెట్, కొంతమంది గ్యాంగ్ కు ఆధారంగా నిలుస్తుందని ప్రచారం. కొంతమంది చట్టవిరుద్ధమైన పనులు చేస్తున్నారని, టైంపాస్ కోసం గుంపులుగా చేరి, రాత్రి సమయాలలో జాగారం చేస్తున్నారని వినికిడి..

ఎక్కడ చూసినా చెత్తాచెదారం.. మురికి కూపం.

మాల్ మార్కెట్ ఎక్కడ చూసినా చెత్తాచెదారంతో, కుళ్ళిన కూరగాయల కుప్పలతో, ఈగలు దోమలతో పరిసర ప్రాంతాలు వికృత రూపం దాలుస్తుందంటున్నారు.. ప్లాస్టిక్ కవర్లు, బస్తాలు ఎక్కడ చూసినా దర్శనమిస్తున్నాయి. మల మూత్ర విసర్జనలు, ఎక్కడ పడితే అక్కడ చెయ్యడంతో అక్కడక్కడా దుర్వాసనలు వెదజల్లుతున్నాయని అంటున్నారు. ఇంత జరుగుతున్నా మార్కెట్ కమిటీ, అధికారుల, పట్టింపు లేకపోవడంతో మాల్ మార్కెట్ మలినమైపోతుందంటున్నారు ప్రజలు. పరిసర ప్రాంతాలే కాదు, కార్యాలయం పరిస్థితి కూడా గోరంగా ఉందంటున్నారు చూపరులు. పై కప్పు పెచ్చులూడి నెత్తి పగిలే పరిస్థితి కనపడుతుంది. శిధిలావ్యస్థలో ఉన్న కార్యాలయం, నిండు నిర్లక్ష్యానికి నాంది పలుకుతుంది. ఇప్పటికైనా అధికారులు పట్టించుకొని, మాల్ మార్కెట్ ను పరిశుభ్రంగా ఉంచడమే కాకుండా, అసాంఘిక కార్యక్రమాలపై నిఘా పెడుతూ, సిసి కెమెరాలు ఏర్పాటు చేసి చెక్ పెట్టాలని, కొత్త బిల్డింగ్ నిర్మాణం చేపట్టి అభివృద్ధికై ప్రణాళికలు వెయ్యాలని ప్రజలు కోరుతున్నారు..

ఉద్యమ కార్యచరణకు జిల్లా కార్యవర్గ సమావేశం 

మర్రిగూడ(ప్రభాత సూర్య):-

సుప్రీంకోర్టు చీఫ్ జస్టిస్ బిఆర్ గవాయ్ పై జరిగిన దాడిని ఖండిస్తూ, పద్మశ్రీ మందకృష్ణ మాదిగ ఆదేశాల మేరకు, క్షేత్రస్థాయిలో ఉద్యమ కార్యచరణను అమలు చేయడం కోసమై, ఎమ్మార్పీఎస్ అనుబంధ సంఘాల జిల్లా కార్యవర్గ సమావేశం నిర్వహించనున్నామని, ప్రతి ఒక్కరు ఈ సమావేశంలో భాగస్వామ్యులు కావాలని, ఎమ్మార్పిఎస్ మర్రిగూడ మండల అధ్యక్షులు ముదిగొండ రమేష్ మాదిగ పిలుపునిచ్చారు. 10 అక్టోబర్ 2025 మధ్యాహ్నం 12 గంటలకు నల్గొండ టిఎన్జివోస్ సమావేశం ఉందన్నారు. ఈ కార్యక్రమానికి ముఖ్యఅతిథిగా, ఎమ్మార్పీఎస్ రాష్ట్ర అధ్యక్షులు డాక్టర్ గోవింద్ నరేశ్ మాదిగ హాజరు కానున్నారన్నారు. కావున మర్రిగూడ మండలంలో ఉన్న ఎమ్మార్పీఎస్, ఎంఎస్పి, వి హెచ్పిఎస్, తో పాటు అన్ని అనుబంధ సంఘాల జాతీయ, రాష్ట్ర, జిల్లా, నియోజకవర్గ, మండలం, స్థాయి నాయకులు, నాయకురాలు, ప్రతి మండలం నుంచి అధిక సంఖ్యలో పాల్గొనాలని ముదిగొండ రమేష్ సూచించారు.

• విలువైన వస్తువులు ధ్వంసం.. ఫర్నిచర్కు నిప్పు
• గ్రామంలో ఉద్రిక్తత.. రంగ ప్రవేశం చేసిన పోలీసులు

నల్లగొండ ఉమ్మడి జిల్లా ప్రతినిధి (ప్రభాత సూర్య) : అధిక వడ్డీ ఆశ చూపి పేద ప్రజల నుండి కోట్ల రూపాయ లను వసూలు చేసిన బాలాజీ నాయక్ తీసుకున్న డబ్బులను తిరిగి ఇస్తుండకపోవడంతో ఆందోళన చెందిన బాధితుడు రామావత్ సరియా నాయక్ (37) గడ్డి మందు. తాగి ఆత్మహత్యాయత్నం చేసుకున్నాడు. అతని పరిస్థితి విషమంగా ఉండడంతో మెరుగైన చికిత్స కోసం హైదరా బాదుకు తరలించగా చికిత్స పొందుతూ మంగళవారం మరణించాడు. దీంతో కోపోద్రికులైన తందావాసులు. ఆగ్రహంతో పలుగుతండాలోని బాలాజీ నాయక్ విలాస వంతమైన భవనాన్ని ధ్వంసం చేశారు. ఇంట్లోని ఫర్నిచర్ సు ఇంటి ముందు వేసి తగలబెట్టారు. ఇంట్లోని విలువైన వస్తువులు టీవీ, కిటికీలు డోర్లు పగలగొట్టారు. ఈ ఘటన తో బాలాజీ నాయక్ చాద్రిశుల్లో కలవరం రేపింది.

అధిక వడ్డీ ఆశతో.. కాగా, నల్లగొండ జిల్లా పెద్ద అడిశర్లపల్లి మండలం పలు గుతండాకు చెందిన రమాపత్ బాలాజీ నాయక్ సూటికి పది రూపాయల నుండి 16 రూపాయల వరకు వడ్డీ ఇస్తానని చెప్పి ఏజెంట్లను ఏర్పాటు చేసుకొని పేద, మధ్య తరగతి ప్రజల నుండి దాదాపు రూ.1000 కోట్ల వరకు. వసూలు చేశాడు. ఇందులో రమావత్ సరియా నాయక్ అధిక వడ్డీ వస్తుందన్న ఆశతో తెలిసిన వారి నుండి అప్పు తీసుకునీ. సుమారు 30 లక్షల రూపాయల వరకు బాలాజీ నాయక్ కు ఇచ్చినట్లు తండావాసులు చెబుతున్నారు.

తాను ఇచ్చిన డబ్బులను తిరిగి ఇవ్వాలని ఎన్నిసార్లు కోరినా అతని నుంచి ఎలాంటి స్పందన లేకపోవడం, తనకు అప్పులు ఇచ్చినవారు తమ డబ్బులు తమకు ఇవ్వాలని ఒత్తిడి చేస్తుండడంతో అప్పులు ఎలా తీర్చాలో తెలియక ఆందోళన చెందిన సరియానాయక్ సోమవారం మిర్యాలగూడ పట్టణంలో క్రిమిసంహారిక ముందు సేవించి ఆత్మహత్యాయత్నం చేసుకున్నాడు. చికిత్స పొందుతూ మరణించారు.. దీంతో అగ్రహించిన బాధితులు మంగళవారం బాలాజీ నాయక్ ఇంటిపై దాడి చేశారు. దీంతో పోలీసులు రంగంప్రవేశంచేసిబాధితుల తోచర్చలు జరుపుతున్నారు

నల్లగొండ ఉమ్మడి జిల్లా  ప్రతినిధి (ప్రభాత సూర్య) : నల్లగొండ జి ల్లా కేంద్రంలో జిల్లా కలెక్టరేట్ కా ర్యా లయానికి కూతవేటు దూరంలో దా రుణ దుర్ఘటన చోటుచేసుకుంది. నల్లగొండ జిల్లా కేంద్రంలోని డైట్ క ళాశాల సమీపంలో ఇంటర్ విద్యా ర్థిని దారుణ హత్యకు గురైన సం ఘటన వెలుగు చూసింది. స్థానికు లు పోలీసులు తెలిపిన సమాచా రం మేరకు వివరాలు ఇలా ఉన్నాయి.

నల్లగొండ రూరల్ పోలీస్ స్టేషన్ ప రిధిలోని అన్నారెడ్డిగూడెం గ్రామా ని కి చెందిన విద్యార్థిని (17) జిల్లా కేం ద్రంలోని ఓకాలేజీ లో ఇంటర్మీడి యట్ మొదటి సంవత్సరం చదు వుతోంది. నల్లగొండ మండలం గు ట్టకింది అన్నారం గ్రామానికి చెందిన గడ్డం కృష్ణ అనే యువకుడితో కొం తకాలంగా ప్రేమ వ్యవహారం కొన సాగిస్తున్నట్లు తెలుస్తోంది. ఈ క్రమంలో మంగళవారం డైట్ కళా శా ల సమీపంలోని ప్రియుడి మిత్రుడు ఆటోడ్రైవర్ గదిలోకి ఇద్దరు వెళ్లా ర ని, అనంతరం ఇరువురి మధ్య గొ డవ జరగడంతో అమ్మాయిని కృష్ణ చంపేశాడని స్థానికులు పేర్కొంటు న్నారు.

ఆమెపై లైంగిక దాడి జరిగిందని, అ నంతరం హత్య చేశాడని ఆరోపి స్తున్నారు. విషయం తెలుసుకున్న నల్లగొండ డీఎస్పీ శివరాంరెడ్డి, వన్ టౌన్ సీఐ రాజశేఖర్ రెడ్డి, టూటౌన్ ఎస్సె సైదులు, పోలీసులు ఘటనా స్థలికి చేరుకొని వివరాలు సేకరిస్తు న్నారు. నిందితుడు గడ్డం కృష్ణను అదుపులోకి తీసుకుని విచారిస్తు న్నారు. మరిన్ని పూర్తి వివరాలు తెలియాల్సి ఉంది

మర్రిగూడ (ప్రభాత సూర్య) : మండలంలో జరిగిన ఉపాధి హామీ పనులపై, సామాజిక తనిఖీ బృందాలు విచారణ మొదలుపెట్టాయి.. 1 ఏప్రిల్ 2024 నుండి 31 మార్చ్ 2025 వరకు జరిగిన 454 పనుల ద్వారా ఖర్చు అయిన, ఆరుకోట్ల అరవై ఒక్క లక్షల రూపాయలపై, క్షేత్ర స్థాయి పరిశీలనతో పాటు, డోర్ విజిట్ ద్వారా లబ్ధిదారుల వివరాలను సేకరించి, ప్రజావేదికలో నివేదికను ప్రైసైడింగ్ అధికారికి సమర్పిస్తారు..

రికార్డుల నిర్వహణ, పనుల నాణ్యత, వేతనాల బదిలీలపై తనిఖీ చెయ్యనున్నారు. గత అడిట్ లో వచ్చిన సమస్యలపై, దృష్టి పెడుతూ ప్రభుత్వానికి రిపోర్ట్ ను అందించనున్నారు. తనిఖీ బృందాలలో ఎస్ఆర్పి చిన్నకేశవులు, రంజిత్ కుమార్, డిఆర్పిలు బాలరాజు, తిరుపతి, రజియా, శ్రీకాంత్, ఉన్నారు.

గట్టుప్పల, ప్రభాత సూర్య : గట్టుప్పల మండలం తేటిపల్లి కి చెందిన ఈఎల్వీ ఫౌండేషన్ చైర్మన్ భాస్కర్ ఇటీవల చేపట్టిన చర్యలు, కార్యక్రమాలు స్థానికంగా పెద్ద చర్చకు దారితీశాయి. ఆయన నిర్వహిస్తున్న సేవా కార్యక్రమాలు, ఆత్మీయ సమ్మేళనాలు కొందరికి రాజకీయరంగు కనిపిస్తున్నాయనే అభిప్రాయం వ్యక్తమవుతోంది. భాస్కర్ ఫౌండేషన్ ఆధ్వర్యంలో ఇటీవల పలు సేవా కార్యక్రమాలు నిర్వహించడంతో పాటు, శుక్రవారం రాత్రి దసరా ఆత్మీయ సమ్మేళనం పేరుతో గట్టుప్పలలో భారీ ఈవెంట్ నిర్వహించారు. ఈ కార్యక్రమానికి వివిధ వర్గాల ప్రజలు, నాయకులు, బీసీ వర్గాల ప్రతినిధులు హాజరయ్యారు.

స్థానిక వర్గాల అభిప్రాయం ప్రకారం ఉమ్మడి నల్గొండ జిల్లాలో తన పబ్లిసిటీని పెంచుకునేందుకు భాగంగా ఈవెంట్ నిర్వహించారని ప్రచారం జరుగుతోంది. అయితే ఈ ఆరోపణలపై స్పందించిన భాస్కర్ మాట్లాడుతూ, బిజినెస్ కారణంగా ఊరికి చాలా కాలంగా దూరంగా ఉన్నాను. అందరినీ కలుసుకోవాలని అనిపించి ఆత్మీయ సమ్మేళనం ఏర్పాటు చేశాను అని చెప్పారు. అలాగే, అన్ని రాజకీయ పార్టీల నాయకులను స్వయంగా కలసి ఆహ్వానించాను. అవసరమైతే యువతకు ఉపాధి, ఉద్యోగ అవకాశాలు కల్పించేందుకు యూత్ సమ్మిట్ కూడా నిర్వహిస్తాను అని తెలిపారు.

అయితే ఆయన చేపడుతున్న కార్యక్రమాలు రాజకీయ వేదికకు పునాది వేస్తున్నాయా అనే చర్చ కొనసాగుతోంది. బీసీలు వదిలిన బుల్లెట్టు అంటూ ఆయన అభిమానులు సంబోధించడం, చౌటుప్పలలో ఏర్పాటు చేసిన ఫ్లెక్సీలను పోలీసులు తొలగించినప్పుడు ఆ దృశ్యాలకు పాటలు జోడించి సోషల్ మీడియాలో ప్రచారం చేయడం ఇవన్నీ బీసీ నినాదం చుట్టూ రాజకీయ వాతావరణం సృష్టిస్తున్నట్లుగా కనిపిస్తోంది. ఈవెంట్‌కు హాజరైన వారిలో ఎక్కువమంది బీసీ వర్గాలకు చెందిన నేతలు కావడం కూడా ఈ ఊహాగానాలకు మరింత బలం చేకూరుస్తోంది.

గతాన్ని పరిశీలిస్తే, సేవా కార్యక్రమాలతో ప్రారంభించి, చివరికి రాజకీయాల్లోకి అడుగుపెట్టిన నేతలు అనేక మంది ఉన్నారు. ఇప్పుడు భాస్కర్ కూడా అదే దిశగా ప్రయాణిస్తారా? లేక ఆయన సేవా దృక్పథం నిజంగా సామాజికమేనా? అన్నది సమయం తేల్చాల్సి ఉంది. ఏమైతేనేం గట్టుప్పల నుంచి మొదలైన భాస్కర్ ఫౌండేషన్ యాత్ర ఇప్పుడు జిల్లాస్థాయిలో చర్చనీయాంశంగా మారింది. ఈ ప్రస్థానం చివరికి సేవా పథంలో నిలుస్తుందా, లేక పాలిటికల్ పథంలోకి మల్లుతుందా అనేది వేచి చూడాల్సిందే.

ప్రభాత సూర్య, కల్వకుర్తి : నాగర్‌కర్నూల్ జిల్లా వెల్దండ మండలం బొల్లంపల్లి గ్రామంలో రాబోయే సర్పంచి ఎన్నికల వాతావరణం వేడెక్కుతోంది. లింగాన్ని బలపరిచే జయప్రకాశ్ వంటి కీలక వ్యక్తుల మద్దతు లభించడంతో ఆయన గెలుపు సునాయాసమని గ్రామస్తుల మధ్య చర్చ నడుస్తోంది. ప్రతి పందిరి కింద, ప్రతి ఇంటి ముంగిట వినిపిస్తున్న పేరు ఇప్పుడు ఒక్కటే బూరుగు లింగం యాదవ్.

సోషల్ మీడియా వేదికగా కూడా గ్రామ ప్రజల అభిప్రాయాలు స్పష్టంగా బయటపడుతున్నాయి. “లింగం యాదవ్ అభ్యర్థిత్వమే అభివృద్ధికి మార్గం” అని గ్రామ యువత నుండి పెద్దలు వరకూ పోస్టులు పెడుతున్నారు. ప్రజలతో మమేకమై సమస్యలను దగ్గరగా తెలుసుకుని పరిష్కరించడానికి కృషి చేస్తూ, గ్రామాన్ని అభివృద్ధి దిశగా నడిపే నాయకుడిగా ఆయన పేరు గట్టిగా వినిపిస్తోంది. “సేవ చేసే అవకాశం ఇస్తే, గ్రామాన్ని అభివృద్ధి దిశగా నడిపిస్తాను” అని లింగం యాదవ్ ధృఢ సంకల్పం వ్యక్తం చేస్తున్నారు.

మహాత్మ గాంధీ చెప్పిన “పల్లె సీమలే దేశానికి పట్టుకొమ్మలు” అన్న సూక్తిని నిజం చేస్తానని ఆయన చెబుతుండగా, గ్రామ ప్రజల్లో విశ్వాసం మరింతగా పెరుగుతోంది. ముఖ్యంగా శుభ్రత, రహదారులు, తాగునీరు సమస్యల పరిష్కారం వంటి అంశాల్లో ఇప్పటిదాకా చూపిన కృషి ఆయనకు మద్దతును గణనీయంగా పెంచింది. సహృదయంతో ప్రతి ఒక్కరికి అండగా నిలిచే వ్యక్తిగా, అందరితో సమానమైన అనుభూతిని కలిగించే నాయకుడిగా లింగం యాదవ్ పేరు నిలుస్తోంది.

మాట తప్పేది లేదు… మడమ తిప్పేది లేదు అనే నినాదంతో ప్రజల ముందుకు వచ్చిన లింగం యాదవ్, ప్రజలే నా బలం,  సేవే నా మతం, గ్రామాభివృద్ధే నా కర్తవ్యము అని గట్టిగా చెబుతున్నారు. ఈ నినాదం గ్రామంలో యువత నుంచి పెద్దల వరకూ ప్రభావం చూపుతోంది. ప్రజల మద్దతు వేగంగా లింగం వైపు చేరుతుండటంతో, బొల్లంపల్లి సర్పంచి రేసు మరింత హోరాహోరీగా మారే అవకాశం ఉందని రాజకీయ వర్గాలు అంచనా వేస్తున్నాయి. రాబోయే రోజుల్లో లింగం యాదవ్ అభ్యర్థిత్వం ఎన్నికల్లో నిర్ణయాత్మక శక్తిగా జయప్రకాష్ బలపరిచిన వ్యక్తులకే అవకాశం గా మారనుందని స్థానికులు అభిప్రాయపడుతున్నారు.

ఆసుపత్రి చుట్టూ పిచ్చి మొక్కలు.. వృధాగా వెళ్తున్న నీరు..!? పత్తా లేని సూపరిండెంట్..

మర్రిగూడ, ప్రభాత సూర్య :- నేనుగిచ్చినట్లు చేస్తా.. నువ్వు ఏడ్చినట్లు చెయ్యనే సామెతకు, ఏమాత్రం తేడా లేదు డిఎంహెచ్వో ఆకస్మిక తనిఖీ..!? మండలంలోని ప్రభుత్వ ఆసుపత్రిలో నిర్వహిస్తున్న కంటి పరీక్ష క్యాంప్ పరిశీలనకు, నల్లగొండ డిఎంహెచ్వో వచ్చారు.!? పదవ తరగతి ప్రశ్నాపత్రం లీక్ అయినట్లు, ఎన్నడూ కనపడని సిబ్బంది సైతం, ఆసుపత్రిలో కళకళలాడుతున్నారు..!?

ఆసుపత్రి నిండా రోగులే కాకుండా, సిబ్బందితో దసరా పండుగను తలపిస్తుంది..!? ఆసుపత్రి చుట్టుపక్కల వాతావరణం మొత్తం, చెత్తాచెదారం మురికి నీటితో దోమలు, ఈగల బెడధతో కంపు కొడుతుంది..!? ప్రజలకు ఆరోగ్యం ఎలా కాపాడుకోవాలో చెప్పే డాక్టర్లు, పరిసరాల పరిశుభ్రతతపై చిన్న చూపు చూస్తున్నారు..!? ఆసుపత్రి చుట్టూ పెద్ద పెద్ద చెట్లు, మొక్కలు, చెత్తా చెదారంతో ముక్కులు పగిలిపోతున్నాయి..!? ఆసుపత్రి మాత్రమే కాకుండా పరిసరాలు శుభ్రంగా ఉండాలని, అధికారులు ఎందుకు ఆలోచన చెయ్యడం లేదని ప్రశ్నిస్తున్నారు స్థానికులు..!? ఉన్నత అధికారులు వచ్చినప్పుడు పరుగులు తీసే, వైద్యులు సాదారణ సమయంలో కూడా రోగులను పట్టించుకుంటే బాగుండని అనుకుంటున్నారు మండల ప్రజలు..

మేడారం సమ్మక్క,సారలమ్మ గద్దెల ప్రాంగణం మాస్టర్ ప్లాన్ విడుదల

మాదాపూర్, ప్రభాత సూర్య : లైవ్ మ్యూజిక్, సాంస్కృతిక నృత్యప్రదర్శనలు, డ్యాన్స్లతో అసోసియేట్ సభ్యులు ఉత్సా ఉత్సా హంగా గడిపారు. మాదాపూర్లోని హెచ్ఐసీసీలో ఆదివారం ఏడీపీ ఇండియా మానవ వనరుల నిర్వాహణ సాఫ్ట్వేర్, సర్వీసెస్లో ప్రముఖ సంస్థ అయిన ఏడీపీ 26వ వార్షికో త్సవాన్ని అట్టహసంగా నిర్వహించారు. థింగ్ బియాండ్ ఫర్ ఏ న్యూ ఎరా పేరిట ఏర్పాటు చేసిన థీమ్ కార్యక్రమానికి ఏడీపీ ప్రై. లిమిటెడ్ మేనేజింగ్ డైరెక్టర్ విజయ్ వేములపల్లి విచ్చేశారు.

కంపెనీ ప్రతినిధులతో కలిసి జ్యోతి ప్రజ్వలన చేసి కార్యక్రమాన్ని ప్రారం భించారు. 26 ఏండ్లుగా ఉద్యోగులు కష్ట పడి కంపెనీ ఎదిగేలా చేసిన కృషి చేశారని అన్నారు. కార్యక్రమంలో 8800లకు పైగా కంపెనీ అసోసియేట్లు, లీడర్షిప్ సభ్యులు పాల్గొన్నారు.

దళిత కుటుంబంలో పుట్టి..ఎన్నో సేవలకు ముందడుగు.

నల్లగొండ(ప్రభాత సూర్య):-

తాను పుట్టిపెరిగిన గ్రామంలో, విద్యను నేర్పి, ఉన్నత స్థానంలో నిలిపిన పాఠశాలకు, గురువుల ఋణం తీర్చుకునే కార్యక్రమాలు చేస్తున్నారు, రాంరెడ్డిపల్లి గ్రామానికి చెందిన కోరెంక యాదయ్య... కోరెంక అనేది ఆయన ఇంటి పేరైనప్పటికి, ఉన్నత చదువులు ఆయనను సమాజంలో టీచర్ యాదయ్యగా నిలబెట్టింది. పుట్టింది పేద కుటుంబంలో అయినా..ఆయన పట్టుదల ప్రభుత్వ ఉద్యోగం సాధించడంలో తోడ్పాటయింది. విద్యకు పేద, కుల, మత, వర్గబేధాలు లేవని ఈయనను చూస్తే నిజమనిపిస్తుంది. 

రాంరెడ్డిపల్లి గ్రామంలోని ప్రాథమిక పాఠశాలలో, చిన్నప్పటి నుండే విద్యార్థులకు కంప్యూటర్ విద్యను అందించాలని ఆయన పూనుకున్నారు. అనుకున్నదే తడవుగా, ఆయన కుమారుల సహకారంతో, ఏఎల్ఎక్స్ ప్రోగ్రాం ప్రారంభించేందుకు ముందుకు వచ్చారు. వాటికోసం అయ్యే ఖర్చును మొత్తాన్ని భరించేందుకు సిద్దపడ్డారు. వెంటనే తన తల్లితండ్రుల పేరున కంప్యూటర్లు ఇప్పించి అందరికి ఆదర్శంగా నిలిచారు. 

ఎవరీ టీచర్ యాదయ్య

నల్లగొండ జిల్లా, మర్రిగూడ మండలం, రాంరెడ్డిపల్లి గ్రామానికి చెందిన కోరెంక నర్సింహ ఎల్లమ్మలకు యాదయ్య జన్మించాడు. మొదటి నుండే వీరిది పేద కుటుంబ కావడంతో, ఈయనతో పాటు అక్క రాములమ్మ, తమ్ముడు చిన్న యాదయ్యల పోషణ ఆ కుటుంబానికి మరింత భారంగా మారింది. ఒక పూరి గుడిసెలో నివాసం ఉంటూ, ఆయన తల్లిదండ్రులు కూలి పనులు చేసుకునేవారు. పిల్లలను చదివించాలని తల్లిదండ్రులకు కోరిక ఉన్నప్పటికీ, పేదరికం వారిని వెక్కిరించింది. బ్రతుకు బండి నడవాలంటే, ఏదో ఒక పని చేసుకోవాలని.. అదే గ్రామానికి చెందిన పెద్ద వెంకట్ రావు బర్లకాడి జీతగాడిలా మారాడు టీచర్ యాదయ్య. యజమాని చేతిలో దెబ్బలు తిన్న ఆయన జీవితం, విద్యవైపు నడిపించింది. స్కూల్ కు వెళ్ళడానికి బట్టలు లేని సమయంలో, తండ్రి అప్పు చేసి మరి బట్టలు తీసుకున్న రోజులు టీచర్ యాదయ్య మరిచిపోలేదు.రెండో తరగతి రాంరెడ్డిపల్లిలో, ఐదవ తరగతి తానేదార్పల్లిలో చదువుకున్నాడు. ఆదివారం సెలవుల సమయంలో భీమనపల్లిలో మిరప కోయడానికి, గొర్లకాపరిగా మారి, ఎనమిదవ తరగతి వరకు చదువు పూర్తి చేసాడు. ఇదిలా ఉండగా ఏడవ తరగతిలో, తండ్రి మరణం తీరని దుఃఖాన్ని మిగిల్చడమే కాక, విద్యాభ్యాసం అంధకారంగా మారింది. ఎటు వెళ్లలేని సమయంలో చదువుపై ఆయన ఆసక్తి, సరస్వతి వైపు నడిపించింది. 

బట్టపోతు నరసమ్మ రామలచ్చయ్యల తోడ్పాటు.

టీచర్ యాదయ్య పెద్దనాన్న కూతురు, బట్టపోతు నరసమ్మ రామలచ్చయ్యలు, ఆపై చదువులకు తోడ్పాటును అందించారు. వారి సొంత గ్రామమైన వెల్మకన్నెకు తీసుకొని వెల్లిన ఆ దంపతులు, వెల్మకన్నె హాస్టల్ లో చేరిపించారు. ఆదివారం వారివద్దే ఉంటూ, వ్యవసాయ పనులు చేసుకుంటూ వారికి సహాయంగా ఉండేవారు టీచర్ యాదయ్య. రుచి లేని, పురుగు పట్టిన అన్నంతో పస్తులు ఉన్న రోజులను, యాదయ్య ఇప్పటికి మరువలేదు. తగిన పోషణ లేక ఆరోగ్యం దెబ్బతినడం సవాళ్ళుగా మారిన రోజుల్లో చదువుకోవాలన్న తపన ఆయనను ఎన్నో కష్టాలను ఎదురుకునే శక్తిని అందించింది. 1987లో ద్వితీయ శ్రేణిలో పదవ తరగతి పూర్తి చేసి, ఇంటర్ చదువులకై, నల్లగొండ ప్రభుత్వ జూనియర్ కళాశాలలో చేరారు. అక్కడ కూడా కష్టాలు వెంటే వచ్చాయి. రూమ్ కిరాయిలు, తిండి, బట్ట, ఫీజులు, పుస్తకాల కోసమై కూలిగా మారిన రోజులు నెమరేసుకుంటున్నారు యాదయ్య. కిరాణం షాపుల్లో, హోటల్స్, లాడ్జీలు, ఉప్పరి పనులు చదువుకై వారు చేసిన పనులు పోరాటమనే చెప్పుకోవాలి.

కన్నతల్లి ఎల్లమ్మ దీవెనతోనే ఉన్నత చదువులు

తండ్రి లేని యాదయ్యకు తల్లి ఎల్లమ్మనే అంతాతానై చూసుకుంది. దొరల దగ్గర జీతం ఉన్న ఎల్లమ్మ, దొరికిన ప్రతి గింజ, వచ్చిన ప్రతి రూపాయి ఆయన చదుకై వెచ్చించింది. ప్రతి సారి కన్నీళ్లతో కొడుకును సాగనంపే తల్లిపడిన కష్టానికి ఋణం తీర్చుకోవాలని, చదువుపై కసి పెంచుకొని చదవసాగాడు. ఈ సమయంలో ఉపాధ్యాయులు, లెక్చలర్లు ఫీజులు కట్టి ప్రోత్సహించారు. తెలుగు పండిత శిక్షణ పూర్తి చెయ్యడానికి తన వద్ద డబ్బులు లేకపోవడంతో, ఆయన క్లాస్మెట్ అరుణ భారతి ఆర్థిక భరోసాను అందించారు. తనకు ఆయన ఎప్పటికి ఋణపడి ఉంటారనేది చిన్నమాటే. డిగ్రీలో ప్రధమ శ్రేణిలో ఆయన పట్టా పొంది ప్రధమ మెట్టును అధిరోహించారు.

1996లో ఆయన కళ సాకారం

పీజీ ఎంట్రెన్స్ లో ఉస్మానియా పరిధిలో మొదటి ర్యాంక్ సాధించిన ఆయన, పీజిని కొనసాగిస్తూనే ఉపాధ్యాయ పరీక్షలకు హాజరయ్యేవారు. ఆయన పట్టుదల ముందు, ఆశయం తలదించుకుంది. 1996 జులై 18న ఉపాధ్యాయ ఉద్యోగాన్ని సాదించాడు. తాను ఎక్కివచ్చిన పేదరికం మెట్లను, అనుభవాలుగా పేర్చుకొని టీచర్ యాదయ్యగా మారాడు. అప్పటి నుండి ఏదో ఒక రకంగా, తన వద్ద చదువుతున్న విద్యార్థులకు తోచిన సహాయం చేస్తూ, అందరికి సేవలు అందిస్తునే ఉన్నాడు.

ఆయన బాటలోనే కుటుంబం

టీచర్ యాదయ్య బాటలోనే ఆయన కుటుంబ సభ్యులు నడుస్తున్నారు.. సతీమణి పద్మావతి కూడా ఉపాధ్యాయురాలే.. భర్త యాదయ్యను అనుసరిస్తూ, అందిస్తున్న సహకారాలలో వెన్నంటే ఉన్నారు. పెద్ద కుమారుడు రోహిత్ వర్మ, బెంగుళూరులో కోలికం కంపెనీలో ఉద్యోగం చేస్తున్నాడు. చిన్న కుమారుడు సిద్దార్ధవర్మ ఆస్ట్రేలియాలో, ఎమ్మెస్సి ఫైనల్ ఇయర్ చదువుతున్నాడు.. కడుపున పుట్టిన పిల్లలు కూడా ఆయన మార్గంలోనే నడుస్తూ, సేవా కార్యక్రమాలు చేస్తూ అందరికి ఆదర్శంగా నిలుస్తున్నారు. 

ఈ సందర్బంగా కోరెంక యాదయ్య మాట్లాడుతూ, మనకు అది లేదు ఇది లేదు అని వెనకడుగు వెయ్యకుండా, పట్టుదలతో పని చేస్తూ, ఏకగ్రతతో సాధిస్తే సాధ్యం కానిది ఏమి లేదని సూచించారు. నేటి యువత చెడు వ్యాసనాలకు బానిస కాకుండా, కన్నతల్లితండ్రులకు, పుట్టిన ఊరికి పేరు తెస్తూ, అందరికి ఆదర్శంగా ఉండాలని సూచించారు.

• సీఎం ఫొటో లేకుండా ఫ్లెక్సీ ఏర్పాటు చేసిన నేతలు

• సీఎంను పట్టించుకోని మర్రిగూడ కాంగ్రెస్‌ లీడర్స్‌

• బోనాల పండగ ఫ్లెక్సీల్లో కన్పించని ముఖ్యమంత్రి ఫొటో

• గతంలోనూ రేవంత్‌ బర్త్‌ డే వేడుకలకు దూరం

• రాజగోపాల్‌రెడ్డికి మంత్రి పదవి ఇవ్వకపోవడంతో ఆగ్రహం

ప్రభాత సూర్య, నల్గొండ : మునుగోడు కాంగ్రెస్‌ నేతల వ్యవహారం వివాదాస్పదంగా మారింది. ఏకంగా ముఖ్యమంత్రినే పట్టించుకోకపోవడం ఇప్పుడు చర్చనీయాంశంగా మారింది. మునుగోడు ఎమ్మెల్యే రాజగోపాల్‌ రెడ్డికి వన్‌సైడ్‌గా మద్దతు తెలిపే మర్రిగూడ మండలానికి చెందిన కాంగ్రెస్‌ లీడర్లు ఇప్పుడు రాష్ట్రస్థాయి నేతలను కూడా విస్మరించడం చర్చనీయాంశంగా మారింది.

మర్రిగూడ మండలం యరగండ్లపల్లిలో ఇటీవల బోనాల ఉత్సవాలు ఘనంగా నిర్వహించారు. ఈ నేపథ్యంలో కాంగ్రెస్‌ లీడర్లు ఊరు మొత్తం ఫ్లెక్సీలతో నింపేశారు. మార్కెట్‌ కమిటీ డైరెక్టర్‌ జమ్ముల వెంకటేశ్‌ గౌడ్‌ పేరుతో ఏర్పాటు చేసిన పలు ఫ్లెక్సీల్లో రాష్ట్రస్థాయితో పాటు, లోకల్‌ లీడర్ల ఫొటోలు ప్రచురించారు. కానీ, రాష్ట్ర ముఖ్యమంత్రి రేవంత్‌ రెడ్డి ఫొటోను మాత్రం విస్మరించారు. దీంతో కావాలనే సీఎం ఫొటోను ముద్రించలేదన్న వ్యాఖ్యలు వినబడుతున్నాయి. 

మునుగోడు ఎమ్మెల్యే రాజగోపాల్‌ రెడ్డికి మంత్రి పదవి దక్కకపోవడానికి సీఎం రేవంత్‌ రెడ్డే కారణమన్న అక్కసుతో స్థానిక కాంగ్రెస్‌ నాయకులు ఉన్నారు. రాజగోపాల్‌ రెడ్డి సైతం పలు బహిరంగ సభల్లో, వివిధ వేదికల్లో సీఎంపై తన అసంతృప్తిని బహిరంగంగానే వెళ్లగక్కుతున్నారు. రాజగోపాల్‌కు మద్దతుగా స్థానిక కాంగ్రెస్‌ కార్యకర్తలు కూడా అదే రీతిలో వ్యవహరిస్తున్నారు. అయితే వారి మధ్య విభేదాలు ఎలా ఉన్నా... ఏకంగా సీఎం ఫొటోనే పక్కకు పెట్టడం ఇప్పుడు సర్వత్రా చర్చకు దారితీసింది. కాంగ్రెస్‌ నేతలు ప్రొటోకాల్‌ను తుంగలో తొక్కారన్న విమర్శలు సర్వత్రా వెల్లువెత్తుతున్నాయి.

అయితే గతంలోనూ రేవంత్ రెడ్డి పుట్టినరోజు వేడుకలకు మర్రిగూడ మండల కాంగ్రెస్ దూరంగా ఉన్నారు. ఇప్పుడు ఫ్లెక్సీలలో సీఎం ఫొటో లేకపోవడం పట్ల రాజగోపాల్‌ రెడ్డి వైఖరిపై అనుమానాలు వ్యక్తమవుతున్నాయి. కోమటిరెడ్డి వర్గం కావాలనే సీఎం వ్యతిరేక వైఖరిని ఎంచుకుందా అనే వ్యాఖ్యానాలు వినబడుతున్నాయి.

తెలంగాణ గవర్నర్, ఇస్రో ఛైర్మెన్ చేతుల మీదుగా గోల్డ్ మెడల్ బహుకరణ.

హైదరాబాద్(ప్రభాత సూర్య):- చదువుకు పేదరికానికి సంబంధం లేదని, కొన్ని విషయాలు చూస్తే తెలుస్తుంది. పేదరికాన్ని ఎదురుకొని బంగారు పతకానికి ఎంపికైంది తెలుగు బిడ్డ. హైదరాబాద్ ఉస్మానియా యూనివర్సిటీ నందు, యూనివర్సిటీ 84వ స్నాతకోత్సవ కార్యక్రమంలో భాగంగా, తెలంగాణ గవర్నర్ బిష్ణుదేవ్ శర్మ, ఇస్రో చైర్మన్ నారాయణ్, యూనివర్శిటీ అధ్యాపక బృందం పాల్గొన్నారు. 2023-24 సంవత్సరానికి ఎంఎ తెలుగు డిపార్ట్మెంట్ లో, అత్యధిక మార్కులతో ప్రతిభను చాటిన మారుమూల గ్రామీణ ప్రాంతంలో విద్యను అభ్యసించి, ప్రభుత్వ టీచర్ గా వెలిగిన పోలె అశ్వినికి, ఉస్మానియా యూనివర్సిటీ ఎంఎ తెలుగులో గోల్డ్ మెడల్ ను బహుకరించిది. తెలంగాణ గవర్నర్, ఇస్రో చైర్మన్ చేతుల మీదుగా పోలె అశ్వినికి గోల్డ్ మెడల్ ను అందించారు. పోలె అశ్విని చదువులలోనే కాదు మంచి రచయిత, తన రచనలతో సామాజిక చైతన్యాన్ని మేలుకొలుపుతూ, తన కళం సహాని ద్వారా అక్షర వెలుగులను అందిస్తుంది. ఆమె గోల్డ్ మెడల్ సాధించడం పట్ల, తనకు విద్యను అందించిన గురువులను ఆమె కొనయాడింది. మారుమూల గ్రామంలో అత్యంత పేదరిక కుటుంబం నుండి, ఎన్నో అవవరోదాలను, అవమానల్ని ఎదురుకొని, తన తల్లితండ్రుల సహకారంతో ఉన్నత విద్యను అభ్యశించానని ఆమె అన్నారు. ఆడపిల్లకు చదువు వద్దని చెప్పే ఈ కాలంలో, తనకు అవకాశం కల్పించిన తల్లితండ్రులకు, చదువుకునే హక్కును కలిపించిన రాజ్యాంగ పితమహుడు అంబెడ్కర్ కు, తన గోల్డ్ మెడల్ అకింతమిస్తున్నాని ఆనందాన్ని వ్యక్తం చేసింది. త్వరలోనే తను రచించిన సిరార్చి పుస్తకాన్ని ఆవిష్కరిస్తానని ఈ సందర్బంగా తెలియజేశారు. మట్టిలోని తెలుగు మాణిక్యం పోలె అశ్విని, ఇంకా ఉన్నత స్థాయికి ఎదగాలని తన కుంటుంబ సభ్యులు, గురువులు అభినందించారు.

మర్రిగూడ(ప్రభాత సూర్య):-

మండల పరిధిలోని ఆయా గ్రామాలలో, వినాయక ఉత్సవాలు నిర్వహించనున్న యువత, గ్రామస్థులు పోలీస్ శాఖ అనుమతులు తప్పనిసరిగా తీసుకోవాలని, మర్రిగూడ ఎస్ఐ మునగాల కృష్ణారెడ్డి ఒక ప్రకటనలో తెలిపారు. ఆన్లైన్ నందు అనుమతి కోసం https://policeportal.tspolice.gov.in/index.htm లో నమోదు చేసుకోవాలని ఆయన సూచించారు. నవరాత్రులు పండుగ చెయ్యాలని అనుకుంటున్న యువత, అల్లర్లు కాకుండా, ప్రమాదాలు జరగకుండా జాగ్రత్తలు తీసుకోవాలన్నారు. ప్రతిరోజు రాత్రి సమయాలలో ఆలయ ప్రాంగణం వద్ద, నిఘా పెట్టుకోవాల్సిన బాధ్యత నిర్వాహకులకు ఉండాలన్నారు. డిజేలు పెట్టడానికి అనుమతులు లేవని ఈ సందర్బంగా తెలిపారు. ఘర్షణ వాతావరణాన్ని ప్రేరేపించే వారిపై చర్యలు తప్పవని హెచ్చరించారు. భక్తిశ్రద్దలతో ఎలాంటి అవాంచనీయ సంఘటనలు జరగకుండా, నవరాత్రులు జరుపుకోవాలని కోరారు. కరెంట్ కనెక్షన్ లోపాలు, అగ్ని ప్రమాదాలు జరగకుండా జాగ్రత్తలు తీసుకోవాలన్నారు. అర్ధరాత్రుల్లు సైతం హంగామా చేస్తూ, ప్రజలను ఇబ్బంది పెట్టవద్దని తెలిపారు. నిమర్జనం చేసే ప్రాంతాలు, తరలించే వాహనాల వివరాలను ముందుగానే పొందుపరచాలని అన్నారు. నిబంధనలు పాటించని ఆర్గనైజేషన్ మెంబర్ లపై చట్టపరమైన చర్యలు తప్పవని హెచ్చరించారు. లాఅండ్ఆర్డర్ కు సహకరించి పోలీసులకు సపోర్ట్ గా ఉండాలన్నారు.

గాదె వెంకట్ రెడ్డికి శాలువాతో సన్మానం

నల్లగొండ (సూర్య):-

జిల్లాలోని మర్రిగూడ మండలం, తమ్మడపల్లి గ్రామంలో జరిగిన బోనాల పండుగ సందర్బంగా, పిఆర్టియూ తెలంగాణ రాష్ట్ర నాయకులు చల్లం బాలకృష్ణ ఆహ్వానం మేరకు, పిఆర్టియూ పత్రిక సబ్ ఎడిటర్ గాదె వెంకట్ తో పాటు, రాష్ట్ర అసోసియేట్ అధ్యక్షులు సింగిరెడ్డి రామకృష్ణ రెడ్డి, నామిరెడ్డి వెంకట్ రెడ్డి, జిల్లా కాంగ్రెస్ పార్టీ నాయకులు బొజ్జ శ్రీనివాస్ రెడ్డి, నాయకులు సుంకిరెడ్డి జాన్ రెడ్డిలు బోనాల పండుగకు హాజరయ్యారు. బాలకృష్ణ ఆహ్వానాన్ని మన్నించి హాజరైన, గాదె వెంకట్ రెడ్డిని శాలువాతో సన్మానించి ఆహ్వానించారు. అనంతరం మహిమ గల ముత్యాలమ్మ దేవాలయంలో వారు ప్రత్యేక పూజలు చేసి, ప్రజలు బాగుండాలని కోరుకున్నారు. ఉపాధ్యాయ ఎమ్మెల్సీ శ్రీపాల్ రెడ్డి నాయకత్వంలో, పిఆర్టియూ యూనియన్ సమన్వయంతో ఉపాధ్యాయ సమస్యలు పరిష్కారం కావాలని అమ్మవారిని కోరుకున్నారు. సాంప్రదాయాలు, భక్తి భావాలను ప్రజల్లో నాటుకుపోయే పండుగ బోనాల పండుగని, కుటుంబ సభ్యులు, దూరపు బంధువులు, స్నేహితులు, శ్రేయోభిలాషులు ఒక్క చోట కలిసి జరుపుకునే, విశేషమైన పండుగ బోనాల పండుగని అన్నారు. ఊరిని ఒక్కటి చేసే ఈ బోనాల పండుగ, తెలంగాణలో జోరుగా సాగుతాయని, ఆ అమ్మవారి దయవల్లే ప్రజలు సంతోషంగా ఉన్నారని అన్నారు. ఈ సంవత్సరం సకాలంలో వర్షాలుపడి, అన్నదాతకు అమ్మవారే అండగా ఉండాలని, కొత్త రోగాలు, అనారోగ్యాల భారీ నుండి ప్రజలను అమ్మ కాపాడాలని ఈ సందర్బంగా హాజరైన నాయకులు అమ్మవారి ముందు, ప్రజల బాగుకోసం వేడుకున్నారు. ఈ కార్యక్రమంలో స్థానిక నాయకులు మహ్మద్ రాజాక్, శ్రీశైలం, బొట్టు తదితరులు ఉన్నారు.

నల్లగొండ ఆగస్టు 16,  ప్రభాత సూర్య : తెలంగాణ స్టేట్ ఇందిరా ప్రియదర్శిని అంగన్వాడీ టీచర్స్ అండ్ వర్కర్స్ యూనియన్ ఐ ఎన్ టి యు సి అనుబంధం జిల్లా నూతన కమిటీని శనివారం స్థానిక ఐఎన్టియుసి 327 విద్యుత్, కార్మికుల యూనియన్ కార్యాలయంలో ఐ ఎన్ టి యు సి జిల్లా వర్కింగ్ ప్రెసిడెంట్ ఎండి మొహినుద్దీన్ సమక్షంలో ఏకగ్రీవంగా ఎన్నుకున్నారు. జిల్లా అధ్యక్షురాలుగా దేవి రెడ్డి లక్ష్మి, ప్రధాన కార్యదర్శిగా మంచుకొండ విజయ, ఉపాధ్యక్షురాలుగా పోలిశెట్టి యాదమ్మ ,సహాయ కార్యదర్శిగా పెన్న మాధవి, కోశాధికారిగా కౌసర్ బే గములను ఎన్నుకున్నారు. ఈ సందర్భంగా జిల్లా వర్కింగ్ ప్రెసిడెంట్ మోహిని దున్ను నూతన కమిటీని అభినందించారు.

అనంతరం నూతన అధ్యక్షురాలు దేవి రెడ్డి లక్ష్మి మాట్లాడుతూ అంగన్వాడీ టీచర్ల వెల్ఫేర్ సమస్యల గురించి వాటి పరిష్కారం గురించి పని చేస్తామన్నారు. ముఖ్యంగా అంగన్వాడీలకు 18 వేల రూపాయల గౌరవ వేతనం ఇవ్వాలని, ప్రభుత్వ ఉద్యోగులుగా గుర్తించాలని, సుప్రీం కోర్టు తీర్పు ప్రకారం గ్రాడ్యుటీ చెల్లించాలని, రిటైర్మెంట్ బెనిఫిట్స్ రెండు లక్షల రూపాయల ఇవ్వాలని, రిటైర్మెంట్ వయసును 65 సంవత్సరాల నుండి 60 సంవత్సరాల వరకు తగ్గించాలని, వాలంటరీ రిటైర్మెంట్ సదుపాయం కల్పించాలని ,డ్యూటీలో ఉండి చనిపోతే రిటైర్మెంట్ బెనిఫిట్స్ మొత్తం ఇవ్వాలని ,ఎటువంటి పరీక్ష లేకుండా టీచర్స్ కి సూపర్వైజర్ పోస్ట్ ను సర్వీస్ ఆధారంగా ఇవ్వాలని, అంగన్వాడీలకు ఒక పూట సెలవులు ఇవ్వాలని ,హెల్త్ కార్డులు పిఎఫ్ సదుపాయం కల్పించాలని ,,ఒకటి తారీకు జీతాలు చెల్లించాలని ఆమె డిమాండ్ చేశారు.

ఈ సమావేశంలో ఐఎన్టీయూసీ జిల్లా ప్రధాన కార్యదర్శి సుంకిశాల వెంకన్న ,ఉద్యోగ సంఘ నాయకులు ఎండి మహమూద్ జమాల్, తెలంగాణ స్టేట్ జాయింట్ సెక్రెటరీ జూలకంటి మల్లేశ్వరి, తదితరులు పాల్గొన్నారు.

చందానగర్‌, ప్రభాత సూర్య : చందానగర్‌లోని గంగారం వద్ద ఉన్న ఖజానా జ్యువెలరీ షోరూంలో దొంగతనం కేసులో నిందితులను పట్టుకుని, వారు ఉపయోగించిన ఆయుధాలను పోలీసులు స్వాధీనం చేసుకున్నారు.నిందితులపై అనేక రాష్ట్రాల్లో కూడా కేసులు కూడా ఉన్నాయని పోలీసులు గుర్తించారు. ఈ కేసులో నిందితుల వద్ద నుంచి ఆభరణాలను స్వాధీనం చేసుకున్నట్టు 

మాదాపూర్‌ డీసీపీ వినిత్‌ ఈ ​కేసు వివరాలను వెల్లడించారు. ఈ క్రమంలో డీసీపీ వినిత్‌ మాట్లాడుతూ.. ఆగస్టు 12వ తేదీన చందానగర్‌లోని ఖజానా జ్యువెలరీ షాపులోకి నిందితులు వచ్చారు. మేనేజర్‌పై ఫైరింగ్‌ చేశారు.. ఆభరణాలు దోచుకున్నారు. ఖజానా జ్యువెలరీ దొంగతనంలో ఇద్దరిని అరెస్టు చేశాం. మరో ఐదుగురు దొంగలు పరారీలో ఉన్నారు. 900 గ్రాముల వెండి, గోల్డ్ కోటెడ్ ఆభరణాలను స్వాధీనం చేసుకున్నాం. మొత్తం ఏడుగురు కలిసి ఖజానా జ్యువెలరీలో దొంగతనానికి పాల్పడ్డారు. వాళ్ళ మీద గతంలో మర్డర్ కేసులు, దొంగతనం కేసులున్నాయి. ఆశిష్ అనే దొంగ ఇంట్లో ఉంటూ 20 రోజులపాటు రెక్కీ నిర్వహించి దొంగతనానికి పాల్పడ్డారు. దొంగలు వెళ్లిన దారి, లోకేషన్‌ ట్రేస్ చేసి పసిగట్టి పూణే దగ్గర అరెస్టు చేశాం. 24 గంటల్లో కేసు ఛేదించి అరెస్టు చేసి జ్యుడిషియల్ రిమాండ్‌కు తరలించాం అని తెలిపారు.ప్రతీ జ్యువెలరీ షాప్ సెక్యూరిటీ అంశాలను దృష్టిలో పెట్టుకొని షాప్ నిర్మాణాలు చేసుకోవాలి. రెండు బైకులలో ఆరుగురు వచ్చారు దొంగతనంలో పాల్పడ్డారు ఒకతను వీళ్లకు సహకరించాడు మొత్తం ఏడుగురు. మొత్తం నాలుగు వెపన్స్ తీసుకొచ్చి బెదిరింపులకు పాల్పడ్డారు. A1 మోటార్స్ అనే బైక్ మెకానిక్ షాప్ లో రెండు సెకండ్ హ్యాండ్ పల్సర్ బైక్ లను కొనుగోలు చేసి వాటిని ఉపయోగించి పారిపోయే ప్రయత్నం చేశారు. బైకులకు నెంబర్ ప్లేట్లు తీసేసి దొంగతనానికి పాల్పడ్డారు. కొంత దూరం వరకు బైకులపై వెళ్లి తర్వాత వివిధ మార్గాలలో పూణే వరకు చేరుకున్నారు. ఇంకా ఐదుగురు పరారీలో ఉన్నారు వాళ్లలో మోస్ట్ క్రిమినల్ ఒకతను ఉన్నాడు. ఫైరింగ్ చేసిన వ్యక్తి పరారీలో ఉన్నాడు.

ఒకే దగ్గర ఎక్కువ బంగారం దొరుకుతుందనే ఆలోచనతో ఖజానా జ్యువెలరీపై పడ్డారు. 10 కేజీల వరకు వెండి ఆభరణాలు పోయాయి. ఇలాంటి దొంగతనాలు బీహార్లో, రాజస్థాన్‌, మహారాష్ట్రలో, పశ్చిమ బెంగాల్ రాష్ట్రాలలో కూడా జరిగాయి. ఇంకా పూర్తి విచారణ చేస్తున్నాం. ఈ గ్యాంగు బంగారం షాపులపైనే షాపులలో ఎక్కువ దొంగతనాలకు పాల్పడుతుంటారు. బీహార్‌కు చెందిన దీపక్ అనే వ్యక్తి ఈ దొంగల ముఠాకు అన్ని రకాలుగా సహకరించాడు. వీరి మీద అనేక రాష్ట్రాల్లో కూడా కేసులు ఉన్నాయి అని తెలిపారు.కాగా, ఈ నెల 12న చందానగర్‌లోని ఖజానా జ్యవెలర్స్‌లో పట్టపగలే దుండగులు డిప్యూటీ మేనేజర్‌పై కాల్పులు జరిపారు. అనంతరం షాపులోపల బంగారు ఆభరణాలకు సంబంధించిన స్టాల్స్‌ పగులగొట్టారు. అవన్నీ మూడు బ్యాగుల్లో నింపుకుని అక్కడి నుంచి బయటకు వచ్చి బైకులపై పరారయ్యారు. పోలీసులు వచ్చే సమయానికే పారిపోయిన దొంగల ముఠా సీసీ కెమెరాలపై కాల్పులు జరిపి వాటిని కూడా ధ్వంసం చేశారు. అయితే, పోలీసులు విచారణలో భాగంగా దోపిడీ గ్యాంగ్ నెల రోజుల క్రితమే బీహార్‌ నుంచి హైదరాబాద్‌కు వచ్చినట్లు పోలీసులు గుర్తించారు. జగద్గిరిగుట్టలో ఉంటూ ఓ గ్లాసు పరిశ్రమలో పనిలో చేశారు. బీహార్‌ నుంచి వచ్చేటప్పుడు తుపాకులు తెచ్చుకుని.. దాదాపు వారం రోజుల పాటు రెక్కీ నిర్వహించి దోపిడీ చేసి ఉడాయించారు అన్ని తెలిపారు.

ఇబ్రహీంపట్నం(క్రైమ్ మిర్రర్):-

ఇబ్రహీంపట్నంలోని 3వ బెటాలియన్ ఆధ్వర్యంలో, 79వ స్వాతంత్ర్య దినోత్సవ వేడుకలను అధికారులు ఘనంగా నిర్వహించారు. పోలీసు పరేడ్ మైదానంలో జరిగిన కార్యక్రమంలో, 3వ బెటాలియన్ కమాండెంట్ సయ్యద్ జామీల బాష, జాతీయ పతాకాన్ని ఎగురవేసి, హంగు ఆర్భాటాలతో వేడుకలకు శ్రీకారం చుట్టారు. ఈ సందర్భంగా వారు మాట్లాడుతూ, “స్వాతంత్ర్యం కోసం తమ ప్రాణాలను అర్పించిన మహానీయుల త్యాగాలను మనం ఎప్పటికీ మరవలేమన్నారు. నేటి సమాజంలో శాంతిభద్రతలను కాపాడే బాధ్యత పోలీసులదేనని, ప్రజలందరూ స్వేచ్ఛగా, భయభ్రాంతులు లేకుండా జీవించేందుకు పోలీసు వ్యవస్థ నిరంతరం కృషి చేయాలని ఈ సందర్బంగా పేర్కొన్నారు. అనంతరం సేవా పథకాలు పొందిన ఆర్.బాలు, ఆర్ఎస్ఐ జె. జానకీరాములు, ఏఆర్ఎస్ఐ లను ఆయన అభినందించారు. ఈ వేడుకల్లో 3వ బెటాలియన్ డిప్యూటీ కమాండెంట్ శ్రీనివాస రావు, అసిస్టెంట్ కమాండెంట్, ఇతర పోలీసు అధికారులు, సిబ్బంది పెద్దఎత్తున పాల్గొన్నారు.